Vawiin chawhma dar 11:00 khan LDFA buatsaih 2nd Lianchhingpuii & Zanghinga Memorial Trophy Football Tournament 2012 chu Thuamluaia Mual ah Pu Joseph Lalhimpuia, Vice Chairman HPC Lunglei in a hawng a. Inkhawm hi Pu Andrew H.Vanlaldika, President LDFA in a kaihruai a ni.

Khuallian chuan thusawiin thalai ten khawvel thar an hmuh nana Pu P.C. Lalthanliana, Minister te chhungkua in a nu leh pa hriatrengnan a sum leh pai senga Football Tournament an buatsaih avang hian a lawmawm hle a ni a ti a. Pu Mathana te chhungkua in thalaite hmasawnna an ngaihtuahna hi a chhuanawm a, midang te tana malsawmna an siam sak hi a ropui hle a ni a ti bawk. Chief Minister-in inthlan manifesto a lo intiam angin, infiamna ah thalai te tana khawvel thar siamsak chu a takin athleng mek zel a ni, a ti a. Pu Zodintluanga, Sport Minister hmalakna in thalai te Sport lamah nasa takin an thang a ni a ti bawk. Game hi taksa mai nilovin rilru ah hnehna chan a ngai a ni. Tumruhna te taimaknate leh discipline tha nei a khel theuh turin a chah bawk a ni.

Doner Pu P.C. Lalthanliana pawhin thusawiin thalai ten infiamna lama an lo than chhoh zel nan kei leh ka chhungte nena tanghova kanu leh Pa hriatreng nan he Tournament hi buatsaih a ni a ti. A vawikhatna chu Thenzawl ah buatsaih ni in, a chhan chu a nu leh Pa damlai a an awmna hnuhnung ber anih vang a ni ati. He Tournament buatsaih sak tu LDFA te chungah lawmthu a sawi bawk.

He Tournament ah hian team 43 tel in a chak ber in Rs. 70,000/- leh Trophy dawngin pahnihna in Rs. 35,000/- leh Trophy an dawng bawk ang.