Vawiin chawhma dar 10 : 30 khan “2nd National Voters Day 2012” chu DC’s Conference Hall Saiha-ah hman a ni.

He Ni hmanna inkhawm hi Pu H.Lalhmingthanga, Election Officer, Saiha chuan a kaihruaia District Bawrhsap Pu Kunal IAS chu khuallian a ni. Khuallian chuan “2nd National Voters Day” atana Chief Election Commissioner thuchah chhiar chhuakin thu a sawi zui nghala India khua leh tuite tih tur leh tih loh tur hrang te sawiin Democracy ram ah chuan mipuite hnenah thuneih pumhlum a awm thu a sawi bawk. Vote nei thar te hriattur pawimawh hrang hrang te pawh sawi lang in M.P.F. te chu kan hma lawka M.D.C. inthlanna kan neih turah thil thalo thleng leh Vote lei chungchang a fimkhur taka hmalak pui turin a sawm nghal ani. District Bawrhsap chuan M.D.C. inthlanlo awm mai turah inthlanna thluang tak leh fel tak a neih anih theih nan kalkhawm te chu duhsakna a hlan a ni.

National Voters Day hmanna ah hian Mithiam thlanchhuah hrang hrang ten thupui thanbik hmangin thusawina an nei a, Dr. Hmingthanzuala, Associate Professor, Government Saiha College chuan “Election leh Khua leh tuitha” tih sawiin Pu CZ Hluna, President, M.J.A. Saiha District chuan ”EPIC leh tunlai khawvel” tih thupui thlan chhuah hmangin thu a sawia, Rev. MC Zahluna, College Veng chuan “Inthlanna thianghlim leh Kristianna” tih thupui thlan chhuah hmangin thu a sawi bawk. Zaithiam zai te ngaihthlak a nih bakah EPIC nei thar te hnen ah Electoral Photo Identity Card sem nghal ani. He Ni hmanna ah hian veng hrang hrang VC te, Boot Level Officer (BLO) te, tlawmngai pawl hruaitute leh zirlaite an tel thahnem hle a ni.