Vawiin chawhma khan Pu Lalmalsawma IAS, Home Commissioner & Secretary, GAD Chairman-na hnuaiah kumin 2009 October 2 a Mahatma Gandhi piancham hriatrengna inkhawm hman dan tur sawi ho a ni.
October 2, 2009 zing lam dar 7 ah Mahatma Gandhi (Hnampa) piancham lawmna leh hriatrengna inkhawm chu State Bank of India Main Branch bula a lim (Statue) dahna hmunah inkhawmna (function) neih a ni ang a, zahna entirna parthi chu Mizoram Governor Lt. Gen (Rtd.) MM Lakhera; Chief Minister Pu Lal Thanhawla leh Speaker ten an dah ang a, he inkhawm pawimawh takah hian MLA zawng zawng, Secretaries leh Heads of Department zawng zawngte sawm an ni ang.

He hun hi sorkar-in a ngaih pawimawh avangin sawm bikte chu tel ngei tur hriattir an ni.