Vawiin chhawhma dar 11: 30 khan Deputy Commisioner’s Conference Hall, Saiha-ah N.L.U.P. chungchang ngaihtuahin Meeting pawimawh tak neih a ni. He Meeting hi Pu Thangchem Zathang Additional Deputy Commissioner, Saiha chuan a kaihruai a, Saiha District chhunga N.L.U.P. chungchang a hma lak tawh dan Base Line Survey Report Department hrang hrangin an pek te ngaihthlak a ni. Base Line Survey hna thawk tur hian tlawmngai pawl hrang hrangte, VC leh kohhran hruai tute leh mirintlak (Prominent Citizen) te pawh rawn thin nise tha leh dik an tih tlan ang a he Base Line Survey Report hi siam tura beisei an ni. Report hi September, 2009 chhunga neizo hman ngei ngei turin Line Department hrang hrang pasarih heng Sericulture, Agriculture, Horticulture, Vety, Fisheries, Industry leh D.R.D.A. te beisei an ni a, heng Base Line Department te hian khaw hrang hrang a tlawmngai pawl te chu phungbawmah sawmin Survey Report Form an pe a, an ziah dan tur pawh uluk takin an hrilhfiah nghal a ni. An survey lak te chu  base line  Deptt. te hian Sept 2009 chhung ngei hian an lakkhawm leh dawn a, DC, Saiha hnenah thehlut leh vek tura tih an ni. DC hian October 2009 chawlhkar hmasa berah NLUP Implementing Board hnenah an thehlut leh ang.