Vawiin chhun dar 11-ah khan State Level Task Force (Tobacco Control) Meeting vawi 2-na chu Agriculture Committee Room-ah Chairman Pi Esther Lalruatkimi hovin neih a ni. Hetah hian Member Department an kal kim avangin Chairman pawhin lawmthu a sawi nghe nghe a ni.

State Level Task Force Meeting vawi khatna, October 28, 2011-a thurel bawhzui dan Dr. Jane R. Ralte, State Nodal Officer-in report a pe a; hemi tuma hmalakna tur sawite chu tihhlawhtlin deuh vek a nih thu sawiin, IMA (Mizoram Branch)-in Nghalchawm khua chu Health Scheme-a Model Village ni tura a duan zulzuiin tlawh nise, he khuaa meizu tam lutuk chu tireh tura a hmuna kal nise tih chu an la tih loh thu a sawi a; kumin hian tihpuitlin tum ngei nise, tih a ni.

State Level Task Force (Tobacco Control) hma laknain Aizawl leh khawpui dangah vantlang hmuna meizuk khapna dan chu a hlawhtling thawkhat hle tih report a ni a. Amaherawhchu Bus, Maxi Cab, leh Taxi-ah hian a la hlawhtling tawk lo a ni tih sawi a ni. Vantlang hmun - Biak in, School, Hall, Hospital, Hotel & Restaurants, Court Buildings, Market, leh Office-ah te meizu lui an awm chuan mana, Rs 200 chawitir theih a nih thu te hi Head of Office/ Department ten lo bawhzui tha leh se, District tina Bawrhsap theuhten nasa lehzuala hma la zel turin an chah nghal a ni. Bus/Maxi Cap/Taxi-a Driver te leh Conductor te chu hetiang bawhchhia te man theitua puan an nih thu puan a ni bawk.

School Education leh Higher & Technical Education hotute chu an hnuaia Zirna ina hetiang hi zirtir uar tur leh naupangte hnena vaihlo leh a kaihhnawih hralhte chu mana tantir theih an nih avangin hma lo la zual tura ngen a ni. Kum 2010-a Tobacco Control Rules-in man theitu a ruat te, State Task Force member te chuan hei hi an hriat thar theih nan lehkha pek leh nise tih a ni bawk.

Dan bawhchhe luite chu manin, a hnuaia Telephone No.-ah te hian report zel theih a ni: 1) DC. Office- 23292302; 2) Secreatary Hralth & Family Welfare - 2322541; 3) MSTCS- 2351235.