Vawiin chawhma dar 11 khan NLUP Conference Hall-ah Pu P.L. Thanga, Vice Chairman, NLUP Implementing Board (NIB) hovin NLUP Line Department Nodal Officer te leh NIB Official ten NLUP 1st Phase a hmalak dan an ennawn.

Lines Department Nodal Officer hrang hrangte hian an hmalak tawh leh lak mek report an pe theuh va, sum an pek chhuah, beneficiaries an neih zat, an department hnuai atanga department danga beneficiaries pem zat leh lut belh zatte an sawi ho a ni.

Meeting kaihruaitu Pu P.L. Thanga chuan hnathawh tan tak tak kum 1 leh a chanve chhunga hmalakna en hian NLUP hnathawktu leh Lines Department hotute hnathawh chu tha leh fakawm a tih thu a sawi a, beneficiaries te enkawl zui danah pawh tanla lehzual sauh sauh turin kalkhawmte a fuih.

IInd Phase NLUP kalpui dan tur pawh thlir ho nghal a ni a, final list siam thuai anih theih nan thun belh leh trade thlak ang chi chu tih tawh loh nise, final list neih hnuah tul leh mamawh ngawih ngawih ang chi chu ennawn ni se, tih meeting chuan an rel bawk.

‘Kut Hnathawktute Ni’ January 14, 2013 a neih turah kut hnathawk hlawhtling leh taima NLUP leh NLUP lo pawh thlan a, lawmman siam tum anih thu leh hemi atana endik dan turte lo ngaihtuah zui turin Lines Department te chu hriattir an ni.

‘Kut Hnathawktute Ni’ hi Chief Minister Pu Lal Thanhawla’n a lo puan tawh bawhzuiin, State Level Aizawlah hman nise, District tinah District Level hman nise tih an rel a ni.