Vawiin chawhma dar 11 : 00 khan D.Cs Conference Room, Saiha-ah 2nd Zamzo Award semna neih ani. He Award semna inkhawm hi District Bawrhsap Pu Kunal IAS chuan a kaihruaia, thu sawiin D.C. chuan COPTA dan in vaihlo leh a kaihhawih thil hrang hrang hman te a khap avangin lawmawm a tih thu a sawi a, thianghlimna kawnga kan in zirtir zel a pawimawh thu a sawi bawk.

He Zamzo Award thlan hi Saiha khawpui chhunga Office hrang hrang 12 thlanchhuah bik te endikna atanga pek an ni a. Pu ZT Vawra Hmar, District Co-ordinator, Tobacco Control,South Mizoram chuan Report tawi pe in Office chhung meizuk tam lam hi khawl (Side Pact Aerosel) hmanga endik anih thu sawiin Saiha khawpui chhunga COPTA chungchanga hma an lakna a hlawhtlin thu a sawi bawk. Saiha District hi hmasawn chak ber pawl kan ni a tiin tan la leh zual sauh turin kalkhawm te a ngen a ni.

Dr Ngursangzuali Sailo, Member Secretary, Tobaco Control, Saiha Branch, Saiha chuan Saiha khawpui chhunga Office meizuk tlemna hmun thlan chhuahte puangin lawmman semna neih zui nghal ani. Saiha khawpui chhung Office hrang hrang a meizuk tlemna ber chu D.C. Office ani, pahnihna Superintending of Excice Office niin pathumna District Horticulture Office te an ni. Heng Office te hi Lawmpuina Thuziak “CITATION” pek an ni. Saiha khawpui chhung Office Meizial zuk tamna hmun thlan chhuah te chu pakhatna Chief Medical Officer, Office Saiha, pahnihna D.R.D.A.Office leh pathumna Treasury Office te an ni. He meeting ah hian COPTA dan chungchang sawihona hun pawh neih zui nghal a ni.