Vawiin chhun dar 11:00 khan Environment & Forest Department Range Office Serchhip-ah NLUP hnuaia Bamboo Plantation thlangtu te hnenah a thawh thumna atan tanpuina sum sem leh a ni. Serchhip District chhungah Bamboo Plantation thlangtu chhungkaw 47 an awm a, Serchhip Range huam chhung bika chhungkaw 26 te hnenah tanpuina sum hi Rs. 12,792.00 theuhin Range Officer Pu K. Lalchhunga’n a hlan a ni.

Heng sumte hi leitha pek nan te, mau kara thlai dang chin nan te leh kangmei laka loneitute an lo in ven nana pek an nih thu RO Pu K. Lalchhunga chuan sawiin, beneficiary te chu tanpuina pawisa an dawn te a hmanna tur dik takah hmang se a duh thu sawiin, loneituten sum an hman dik leh dik loh pawh uluk taka endik chhunzawm zel a nih tur thu a sawi a, intiamkamna nen thlapa sum dawng an nih angin an intiamna te tihlawhtling ngei turin loneitute a chah bawk a ni.