Nimin khan Lawngtlai District chhunga 36-Tuichawng Assembly Constituency a Polling Station duty tur zawng zawng ten Govt. Region Higher Secondary School ah training an nei a, he bial Genral Observer Pu Ajeet Kumar, IAS chuan a hmunah a tel pui.

Pu Ajeet Kumar hian Training neia kalkhawm Polling Party mite chu chiang taka an hna chanpual te hriat tuma, fak tlaka an hna theuhte thawh tum turin a fuih a, tha taka hna thawk turin a kawnghmang chiang taka hriat hmasak a ngaia chu chu kan zir a ni a ti bawk.

Polling Party te hi Presiding Officer, 1^st Polling Officer, 2^nd Polling Officer leh 3^rd Polling Officer an vaiin 180 an ni a, an hna chanpual tur theuhte a hrangin Pu VL Remliana EO, Master Trainer Pu Vanlaltanpuia MCS, leh Officer dang Pu Vanlalchhuanawma, MCS, Pu Lalremruata Kullai, MCS ten training an pe  a ni.

36 Tuichawng Assembly Constituency ah hian khaw 81 awmin Polling Station 57 a awm a, vote thlak thei mihring 26268 an awma heng zingah hian mipa 13188 awmin hmeichhia 13080 an awm bawk.  Kumin inthlanna awm tur atan hian he bial hi zone 7 ah then niin Zonal Magistrate 7 ten an vil a, candidate pathum  INC, MDA leh BJP atanga chuh an awm mek bawk a ni.