Lawngtlai District Level Media Certification and Monitoring Cell chuan an thawh tura Election Commission of India in a ruahman te an thawh chin leh an thawh zel dan turte nimin khan an thlir hova, tun dinhmunah chuan a lungawi thlak hle a an hriat thu an sawi.

District Level Media Certification and Monitoring Cell te hian nitin chanchinbu, Television, Electronic Media leh a kaihhnawih lam reng renga Political Party leh inthlan kaihhnawih lam thil chhuak apiang te ngun takin an vil reng a, tun thlengin hetiang lam thila dan bawhchhiatna la awm lova an hriat thusawiin vawi engemaw zat Lawngtlai District huam chhunga chanchinbu leh Electronics Media neitute leh a enkawltute ko khawma tih tur leh tihloh tur an lo in hrilh hre thin chu a hlawk thlak hle a an hriat thu an sawi bawk.

Lawngtlai District Level MCMC hian kumin October thla tir atang khan a khat tawkin Media hrang hranga thawktute chu ko khawmin Election Commission of India leh Press Council of India in Media te a beisei dan chi hrang hrangte an zirtir thin a, tin hei mai hi duh tawk lovin Information and Public Relation Department Website a Inthlan vuakvet a Media te kaihhruaina chu  Print chhuakin an sem bawk a, thingtlang zawka Cable TV Operators te pawh  an sem vek zel a ni.