Vawiin atang khan Lawngtlai District huam chhunga inthlanna a duty tur ten DC’s Conference Hall ah Postal Ballot hmangin vote an thlak tan a, vote hi karleh thawhleh ni thleng thlak theih a ni ang.

Lawngtlai District huam chhunga Polling Station 159 a duty tur Polling Party hrang hrang mi 700 vel ten Dt 13.11.2013 atang khan an hnathawh tur theuhte training an nei leh a, heng training nei mekte leh Lawngtlai District a duty tur Police leh Driver engemawzat ten postal ballot hmanga vote thlak hi an mamawh a ni.

Vawiina vote thlakte hi chawhnu lam dar 2:30 a chanve thleng khan mi 38 an ni a, 36 Tuichawng huam chhungah mi 3, 37 Lawngtlai West huam chhungah mi 3 vek leh 38 Lawngtlai East huam chhunga mi 32 ten vote hi an thlak a ni.

Postal Ballot hmanga vote thlak hun hi Dt 19.11.2013 thleng hawn tur ani a, thuneitute hnen atanga thudawn danin Dt 18.11.2013 thleng hi a nawlpui tana ruahman a nia, Dt 19.11.2013 erawh hi chu engemaw harsatna bik awmpalh leh training laklawh nei bikte tana ruahman deuh niin sawi a ni.