Vawiin khan 37 Lawngtlai West Assembly Constituency huam chhunga duty tur polling party hrang hrang ten Lawngtlai Government Region Higher Secondary School ah training an neia, he bial Returning Officer Pu R. L Sangluaia, Additional DC, Lawngtlai District in a tel pui.

Lawngtlai West Assembly bial chhungah hian Polling Station 68 awmin heng polling station a duty turte hi mi 300 zet an ni a, an duty na hmun tur hi pan harsa tak tak leh hun heh tak takte a nih hlawm dawn avangin vawiina trainingah hian Polling Station a an hnathawh tur leh vote thlakna khawl enkawl dan mai bakah an chet vel dan turte pawh uluk taka ennawn lehin an zirchiang leh a ni.

Hei mai bakah hian Mobile phone signal-in a thlen phakloh leh motor a thlen theihlohna hmun a hun taka kal thlen dan turte pawh an sawihovin an zir nawn leh bawk a ni.

Tin, vawiin atang vek khan heng polling party te, hma taka an awmna hmun tur pan ngaite tan postal ballot hmanga vote thlak theihna hun hawn tan a ni bawk.

Vawiina training hi Pu VL Remliana EO, Pu L. Rinliana SDO Chawngte, Pu Vanlaltanpuia Master Trainer leh Pu Vanlalchhuanawma, SDC ten an zirtir a ni.