Serchhip District Election Officer Pi Juhi Mukherjee, IAS kaihhruaina hnuaiah vawiin chawhnu dar 3:00 khan Serchhip National Informatics Centre-ah Serchhip District chhunga Polling Station hrang hranga duty tur te an duty na tur Constituency leh an telna tur Team computer hmanga thlanchhuahna “2nd  –Level Randomisation of  Polling Party” neih a ni.

Pu Lalruatmawia Zadeng, DIO Serchhip chuan “2nd  –Level Randomisation of  Polling Party” kalpui dan tur sawifiahin Polling Party personnel te hi Serchhip District chhunga Assembly Constituency hrang hrang pathum (26-Serchhip, 27-Tuikum, 28-Hrangturzo) atanga thlan chhuah an ni a, an vote neihna emaw, an hnathawhna Constituency emaw, an chenna Constituency emaw a duty phal an nih loh thu a sawi a, randomization tihna tur bik atana Election Commission of India in computer software a siam hmanga hnathawh anih avangin induhsakna thil a awm thei lova, felfai tak leh thianghlim taka hnathawh anih thu he huna tel Candidate te agent zawng zawng hnenah a sawifiah nghal a ni.

Vawiin “2nd  –Level Randomisation of  Polling Party” ah hian 1st –Level randomization neih anih tuma polling personnel tura thlanchhuahte chu Team 94 ah thendarh an ni a (Team khatah member 4 zel), hemi hnu hian Team tin te duty na tur Constituency thendarh lehnghal a ni a; hetiang hi an dinhmun chu a ni :

                                                    Assembly Constituency

No. of        Teams

No. of  Reserved Teams

26-Serchhip(ST)

   23

   5

27-Tuikum(ST)

   29

   6

28-Hrangturzo(ST)

   25

   6

 

 

 

 

3rd  –Level Randomisation of  Polling Party neih anih hunah Group hrang hrang te duty na tur polling station thlan chhuah a ni ang.

Vawiin a 2nd  –Level Randomisation of  Polling Party neihna ah hian Serchhip District Election Observer te, Serchhip District Election Officer, Pi Juhi Mukherjee, IAS, Serchhip District Superintendent of Police Pu Romil Baaniya, IPS, Pu Lalsangliana, MCS, Addl. DC Serchhip,  leh Candidate te aiawh theuh an tel a ni.

2nd  –Level Randomisation of  Polling Party neih zawh hian Serchhip DC Conference Hall-ah EVM endik nawn na hun leh thawnchhuah theih tura buatsaihna hun hman a ni a, ECIL Engineer ten endik hna leh buatsaih hna hi an thawk a, hetah hian Political party leh candidate te aiawhte bakah official ten uluk takin an vil a ni. 

Attachment

  • Loading attachment...