Director General Assam Rifles Civic Action Programme hnuaiah 39 Assam Rifles te chuan 23 Sector Assam Rifles leh Headquarters Inspector General Assam Rifles(East) te bul tumin November 22 khan Vaikhawtlang Government High School tan computer set 5 an pe a. Heng computer te hi zirlai ten IT lam zirna ah hma an sawn theihna turin Major Basil John chuan School Managing Board Chairman kutah a hlan a ni.

Assam Rifles te hian Swatcch Bharat Abhiyan programme an kalpui mekah Vaikhawtlang tan hian vantlang inthiarna an sak sak bawk a. Toilet block hi Vaikhawtlang VC President kutah Major chuan a hlan a. Vaikhawtlang hi Champhai District Myanmar ramri bula awm niin an khawtlang hmasawnna tura Assam Rifles te hnathawh avangin khawtlang hruaitute leh mipuite an lawm hle a ni.