3600/2023-2024

Siaha tahrik ni 31.1.2024: Vawiin chhun dar 12:00 khan 39th MJA Siaha District Annual Conference chu I&PRO Conference hall ah hlawhtling taka neih a ni. He Annual conference session khatna hi Pu M.Baithai President in kaihruaiin General report leh Treasurer report te ngaithlain Resolution pahnih lungrial takin an pass a, I&PRO Siaha kaihhruai na hnuaiah Kum 2024 - 2026 chhunga hruaitu tur thlan nghal a ni a, President - Pu C.Z.Hluna Vice President- Pu Jeffrey Khara leh Treasurer atan Pu V.Pawhla te thlan an ni a, an ni bakah hian executive member 5 thlan an ni bawk.

Resolution an pass tak chu:

1. Mizoram ah kalphung thar, Mipui sorkar Pu Lalduhawma kaihhruai a lo piang hi lawmawm kan ti a, Mizoram ah rorelna dik, hmasawnna rualkhai tak, kan hnam leh sakhua vawnghim chunga a kal kan beiseiin chutianga an hmalakna ah chuan MJA Siaha chuan sorkar chu a tawiawmin a thlawp tlat zel dawn a ni.

2. Mizoram sorkar Power & Electricity Department hmalakna leh ruahmanna kal mek Siaha 132KV line hi a ranglama tihpuitlin a nih theih nan Mizoram sorkar in chak takin bawhzui rawh se, 39th MJA Siaha Annual Conference chuan a ti.

2nd Session khual zahawm programme hmangin Pu Beirahmo syhly E.M. i/c RD etc. MADC chuan a hmanpui a, kan ram politics, kan economic leh social life thlenga kawng dik leh hmalam min kaihruai theitu in ni a ti a, thahnem ngai leh taima tak thawk chhunzawm zel turin a chah a, hruaitu thar te duhsakna a hlan bawk.. khual zahawm hi S&WCO, I&PO, AI&PO MADC ten an tawiawm a ni.

39th MJA Siaha  District Annual Conference  lawmna ruai hlim taka kilho nghal a ni.