3601/2023-2024

Aizawl, the 1st February 2024: Mipui mamawh electric current pekchhuah leh hman dan chungchangah a hnuaia tarlan ang hian Power & Electricity Department chuan a hnuaia tarlan ang hian hriattirna leh ngenna a siam.

Tunlaiin power supply khaihlak a awm zauh zauh thin a, kumin thlasik hi kum dang zawng aiin a nat avangin mipui ten heater etc. kan hmang nasa a, kan electric line leh Transformer in a zo lo thin a, veng thenkhatah in en chhawk a ngai thin a ni. P&E Department chuan heng a awm tawh lohna tur hian theihtawpin a hnuaia tarlan ang hian hma a la mek a ni.

1) Phai atanga power supply kan hmuhna pakhat Luangmual Sub-Station incoming line ah hian 70MW pelh phal a nih ngai loh avangin thlasikah peak load laiin load shedding in en chhawk a ngai thin a. Power tarn zawka lakluh a nih theihna turin conductor lian zawka thlak mek a ni. Tlangnuam Sub-Station-a transformer lian overload avanga load shedding ngai thin tih tawp nan transformer lian dang dah belh mek a ni a. Chawnpui Sub-Station-a transformer lian overload chhawk turin Maumual Sub-station atangin Transformer te (DT) thenkhat chawm then tum a ni bawk. Heng hnate hi January thla chhungin thawh zawh a ni ang.

2) Hmun tam taka Electric hrui atan bare conductor kan la hman chu hrui dum (ABC) a thlak vek tum a ni a. Hemi rual hian hrui (Service connection wire, LPS, Zonet leh Internet Cable) kal fello zawng zawng te siam rem turn a ni a. Tin, kan Distribution Box kang thin te pawh design thar siamin lei fel tawh a ni a. Heng thlak chhung hi hun engemaw chen chu power khaihlak a la awm zel dawn a ni.

Hun dang zawng aiin, thlasik chhung bik hian power inrenchem lehzual turin mipuite kan ngen a. Hmasawnna tur hnathawh avanga power khaihlak awm thinah mipuite hriatthiamna Power & Electricity Department chuan a ngen tak meuh meuh a ni.