3602/2023-2024

Dated Aizawl, the 1st February, 2024: Vawiin khan Chief Minister Pu Lalduhoma chuan a office-ah Hnahlan Grape Farming & Processing Cooperative Society hruaitute a kawm a, an hmalakna te a sawipui.

Chief Minister hian, grape chin chu chhungkaw tam takte eizawnna pawimawh a nih tawh avangin in hmalaknate hi tihpuitlina tihlen zel a tul a. Wine siamna plant tilian tura ruahmanna siam mek pawh hi Industries Department kaltlangin chak takin kan bawhzui ang a, tihhlawhtlin ngei kan tum ang, tiin an dilna sawrkarin a bawhzui tur thu a lo hrilh a. Wine vendors license chungchang pawh sawrkarin chik zawka a lo zir tur thu a hrilh a ni.

Hnahlan Grape Farmers & Processing Cooperative hruaitute hian Pu Lalduhoma hnenah hian, amah vanga dan anga Grape Wine te zuar leh thei an ni tih an inhriat thu an hrilh a. Vawiina kan rawn hmuh chhan ber che pawh lawmthu sawi turin a ni, tiin Chief Minister an hmuh chhan an sawi a ni.