Vawiin chawhnu dar 12 : 00 kha 3rd HPC CUP 2013 chu Thuamluaia mual ah kharna inkhawm neih a ni. Pu Dr.Andrew H.Vanlaldika working Chairman 3rd HPC CUP 2013 in inkhawm kaihruaiin Pu Rongaia Ralte Organising Jt.Secretary in report pein Pu Joseph Lalhimpuia Vice Chairman HPC Lunglei chu khuallian a ni.

Pu Mahima chuan kan Chief Minister zahawm takin thalai te infiam na a hma an sawn theih nan chak takin hma a la a. HPC CUP huaihawt tu Organising Commtt. chung ah lawmthu a sawi a Lunglei District thalai infiammi te talent haichhuah a, tam zawk chherchhuah a eizawn nan an hman theih na tura hmalak hi kan tum a ni, a ti. Sport minister hmalak na in sport lamah hma kan sawn hle a, Thuamluaia mual sirah Sport Department ram ah Sport displine Multipurpose building HPC chuan sak tum mek ani a. pawisa pawh dah a ni, a ti. Electric veng ah Football Field puitling siam mek a ni a, Electric vengah tho hian SAI Sport Centre pawh hman theih a peih a ni tep tawh a, Farm veng ah Liandala mini sport complex pawh hawn thuai theih anih tur thu a sawi. Infiam mite chawimawi phu chu sorkarin a chawimawi dawn a, Ruihtheih thil hi infiammi te ah chuan a lenglo a ni, a ti bawk. Nakum HPC CUP khelh nan HPC budjet ah pawisa dah ani leh dawn a ni, a ti.

HE HPC CUP ah hian Lunglei District chhunga Village council team 69 an tel ani. A chakber ten cheng nuai khat leh trophy an dawng anga, Pahnihna in cheng sing nga leh Semi finalist ten cheng sing hnih an dawng dawn a ni. Final hi College veng Lunglei leh Lunglawn Lunglei ten an khel a ni.