Mizoram Adventure Foundation (MAF) Headquarters, Mizoram chuan tunhnaiah adventure sports lamah hmasawnna hmuh tur a awm thin chu lawmawm an ti a, Sports Minister Pu Zodintluanga chu a office chamber-ah hmu-in lawmthu an sawi. MAF chuan heng hlawhtlinna te hi Sport Minister Pu Zodintluanga thahnemngaihna vang a ni tih an sawi a, sports minister hun chhunga mountaineering lamah Mt Everest, khawvela tlang sang ber lawn chhuak team te zingah Mizo thalai pathum (3) ngawt mai Captain Samuel Lalrintluanga, Pu David Zohmangaiha leh Pu Vanlalliana te an tel hi a ropuiin adventure sports lama chhinchhiah reng tur a nih thu an sawi.

MAF chuan Mizoramah hian adventure sports lam hi a hnufumin a chau tawh hle mai a, mahse tun hnaiah Sports Minister hmalakpuinain hmasawnna rah duhawm tak tak hmuh tur a awm hi a lawmawm hle a, adventure sports lama inhmangte tan pawh chona leh phurna nasa takin a pek ngei an ring.