Vawiin Dt 20th May 2013 hian Pu Lalsawta Education Minister chuan Mamit Govt Middle School II bulah naupang 100 awm theihna tur SSA Residential Hostel a hawng.

Hawnna inkhawm, Chhim Veng YMA Hall a buatsaih, Pu P.C Lalthianghlima, DPC SSA Mission Mamit kaihhruaiah thusawiin khuallian Pu Lalsawta Education Minister chuan zirna hi kan ram tan kan rohlu neih chhun a ni a, hemi hmang hian khawvelah pakhatna dinhmun kan hauh thei a ni, a ti. SSA hian zirna kawnga hma kan sawn theihna turin hma a lak nazatzia tarlangin awm lo ta thut se Mizovin khuang lova chai kan tih thin ang dinhmun kha kan ni mai a rin thu a sawi bawk.

Khuallian chuan zirna hi mizote zingah fak mawi chawp ngai lova mitin ten a a bawh a kan bawh anih thu sawiin nu leh paten an fate beiseina sang tak nena an thlir enkawl tute chu zirtirtu leh zirna lama hmala tute hi an ni tiin zirtirtuten theih tawp chhuaha tan la turin a chah a, tun lai thiamna mil zela in tuaithar thin turin a ngen bawk a ni.

Khuallian chuan tuna hawn tak SSA Residential Hostel hi zirna hluttu zirlai harsa zawk leh hmun kilkhawr zawka awm ten thiamna an puakchhuahna hmun a nih ngei theih nan duhsakna a hlan nghal bawk.

Pu Lalremruata Coordinator, Civil Woks in Technical Report pe-in he hostel hi ni 11 October 2011 a sak tan niin 12th April 2013 ah zawhfel a ni a, chhawng li niin a zau zawng hi 720.31 sqm a ni a, RS 73,82,000 senga sak a ni Naupang 100 awm theihna tur niin Pu A. Pachhunga Vengthar, Mamit sak a ni.

Hawnna inkhawmah hian Mamit khawpui chhunga Heads of Offices, Zirtirtu zawng zawng, khawtlang hruaitu te, thuthar thehdarhtute leh zirna kaihhnawih office - a thawktu zawng zawngte an tel tha hle a ni.