Vawiin khan  Aquatic Association of Mizoram (AAM) leh MZP General Hqrs. buatsaih 3rd Inter School Swimming Championship 2011, LAD Picnic Spot, Lawibuala neih mek kharna inkhawm chu  Parliamentary Pu K.S. Thangan a hmanpui.

Pu K.S. Thanga chuan Mizoram Sports Council hnuaia full fledged member naupang ber nichung a MZP nen thawhhona tha tak neia AAM in School naupangte tana intihsiakna phuisui tak a buatsaih thei chu lawmawm a ti a, an kal zelna turah duhsakna a hlan a ni. Aquatic Sports ah hian discipline 50 chuang a awm a, khawvelah
Mizote kan inpho chhuahna kawng a awm a ni a ti.

Mizoram sorkar-in Sports a ngai pawimawh a, thalaiten infiamna tur hmanrua leh hmunte an neih theihna turin hma chak takin a la a, he hun hlu tak hi remchanga la turin naupang infiammite chu a fuih a ni.

Khuallian hian Aquatics Association of Mizoram-in chawimawina thuziak (Citation) an buatsaih chu Pu Vanlalmuana, Principal LR Higher Secondary School hnenah a hlan a. Principal L.R. Higher Secondary School hian swimmer engemawzatte a thlawna school kaltirin hostel-ah a dah a, Class IX atanga Class XII an zir chhung zawng chawmin Aquatics Association chuan a chungah lawmthu an sawi a ni.

He championship-ah hian Mizoram hmun hrang hranga High School leh Higher Secondary School atangin swimmer 102 an tel a. High School section-a team champion chu Green Valley High School Sairang an ni a. Gold 3, Silver 1 leh Bronze 1 an dawng. Higher Secon dary School-ah  Team champion chu Durtlang HSS an ni a, Gold 4, Silver 1 leh Bronze 1 an dawng.

High School-ah Best swimmer mipa chu Lalhriatrenga, Green Valley  HS Sairang a ni a, Gold 3 a dawng. Hmeichhia ah Maria Zorinpuii , Govt. HS Sairang chu best swimmer a ni a, Gold 1 leeh Silver medal 1 a dawng.

Higher Secondary Section-ah Best swimmer mipa chu Abraham Fanai, Durtlang HSS a ni a, Gold 2, Silver 1 leh Bronze 1 a dawng. Hmeichhiaah F.Lalremruati, Durtlang HSS chu best swimmer a ni a, Gold 2, a dawng ve bawk.