Vawiin khan Pu T.Vanlalmalsawmsanga  BDO Lawngtlai kaihhruaina hnuaiah Block Level PYKKA Committee Lawngtlai ah neih a ni.

Kumin 2011 Aug 23 atang tan tura ruahman Lawngtlai RD Block hnuia khaw 42 te inelna PYKKA tournament chu tan tura ruahman a niin kum 16 hnuaia lam te Discipline hrang hrangah inelna hi an nei ang. Kumin hian Discipline panga (5) thlangin Football, Volleyball, Athletic, Boxing leh Badminton te thlan a ni a, Discipline hrang hrangte hi Sport Association hrang hrang ten an buaipui ang a, an buaipuina tur sum hi state atangin Rs 50,000 ruahman a ni. PYKKA tournament neih chhung hian AIDS leh Zuk leh hmuam chungchanga zirtirna  a tam thei ang ber a neih nise an ti..  Hawnna ah hian khuallian atan Deputy Commissioner Pu B.Lalhmingthanga sawm ni se an ti. Meeting ah hian Lawngtlai RD Block huamchhunga Village Council aiawh leh Sport Association hrang hrang aiawh te an tel tha hle.