Vawiin hian Lawngtlai DC Conference Hall ah Lawngtlai Bawrhsap Dr. A. Muthamma hovin Thingkah khuaa 3rd IR Battalion hmunpui tur sak mek panna kawngpui thar laih dan tur sawi hovin ram neitute, Thingkah khawtlang hruaitute leh Home Department OSD Pu David H. Lalthangliana te nen meeting neih a ni.

Thingkah khuaa 3rd IR Battalion hmunpui sak mek hi NECS in tunah a thawk mek a, amaherawh chu a panna kawngpui awmsaah bungraw lian tham lakluh a harsat vangte, nakin zel atana venhimna lama a tangkai dawn avangte, leh thil dang dang avangin khawdai atanga a hranpaa kawngthar laih dan tur ruahmanin tunah hian Jeep tlan theih vela zauvin chu kawng thar chu laih a ni tawh a. Vawiinah hian he kawnga lirthei lian chi kal theiha laih dan tur sawi hovin a paltlang ram neitute nen inhrethiam taka hnathawh dan tur an sawi ho a ni.

Meeting ah hian Thingkah khawtlang hruaitute leh ram neituten tha nia an hriat hrang hrangte an sawi a a tu lam ve ve tan pawha lungawi tlan theihna tur nia hriatte chhawpchhuah niin, chuta tanga rawtna awmte chu Home Department lamah la thlen leh tur a ni ang.