Tunlaia thenawm ram Bangladesh a Bird Flu (Avian Influenza), Mizoram-ah Vawk natna (PRRS) leh Bawng natna (Foot and Mouth Disease) a leng leh mek nia hriat a ni a. Heng hrileng laka Mamit District a him theih nan District Magistrate Pi Lalbiaksangi chuan danin thuneihna a pek angin, "Bangladesh leh Tripura atanga lokal Ar,Artui, Sava, Varak, Varak tui, Vawk, Bawng leh heng atanga thil siam reng reng" Mamit District huamchhungah lakluh leh zawrh khapna thupek a chhuah.

Khapna thupek hian thu leh awm hma chu May 6th 2016 atanga chhiarin thla hnih chhung a huam ang. Thupek zawmlo te dan angin an chungah hremna lek a ni ang.