Vawiin ni 14th, September 2016 dar 11:00 AM hian District Tobacco Control Cell Champhai chuan 3rd Mizoram Ani-Tobacco Day hmanna District Medical Superintendent Conference Hall, Champhai Hospital ah an nei. He hun hmanna ah hian District Anti-Tobacco Squad Member te leh District Tobacco Control Cell a staff te bakah ah Eastern Flower Academy leh Pinehill Adventist School te an tel a ni.

District Nodal Officer, National Tobacco Control Programme Dr.R.Lianmawia, Senior Medical Officer, Champhai ni bawk chuan he hun hi kaihruaiin 'Vaihlo laka fihlim thangtharte' tih thupui hmangin fuihna thuchah a sawi a, Tv. Zosangzela District Consultant, National Tobacco Control Programme, Champhai district in vaihlo dona kawnga sawrkar hmalakna chi hrang hrangte tarlangin hmalak zel dan ruahmanna te powerpoint presentation hmangin a entir a ni. Nula Lalruatdiki Hnamte, Psychologist, NTCP CHamphai pawhin vaihlo thatlohna leh hriselna a khawihpawi theih dan te a zirtirna a pe bawk.

Tobacco Free School a tana puan Pinehill Adventist school leh Eastern Flower Academy te hnen ah infiamna hmanrua football volleyball leh thuziak te hlan anni bawk. Hetiang ang dinhmun thleng tura zirtirtute in pekna fakawm an tih thu leh entawntlak an tih thu an sawi bawk.

Champhai district a vaihlo dona lam sawihona neih anih hnu in he hun hi khar a ni. He ni inbuatsaihna atan hian ni 12/09/2016 khan District Tobacco Control Cell Champhai leh Pinehill Adventist School Anti-Tobacco Club te chuan 'Spot the Smoker' activity lo hmang tawh bawkin khawilai meizial zu te hnen ah vaihlo thatlohna an lo hrilh tawh bawk ani.