Vawiin khan DC Conference Hall, Mamit-ah Pu H.Lianzela, Addl.DC kaihhruainain State Anti-Tobacco Day hman a ni. Kumin State Anti-Tobacco Day thupuiah hian "Tobacco Free Generation ( Vaihlo tello thangtharte) tih hman a ni a.

Pi Lalbiaksangi, District Bawrhsap chuan thusawiin Tobacco cell-ho thawhrimna leh inpekna chu fakawm a tihzia sawiin, zuk leh hmuam ti lo tura intiamna (pledge) a neihpui nghal bawk. Pi.C.Lalrengpuii, Counsellor, District Tobacco Control Cell (DTCC) chuan Report pein ATS Drive vawi 22 an neih tawh thu leh Joint Operation vawi 6 an neih tawh thu sawiin, Training hmun 7-ah an neih tawh thu a sawi bawk. Dawr hrang hrang tlawh kualin dan lova Mizorama Cigarette lo lut Rs 1,02,060 ( Nuai khat sanghnih sawmruk) man hu an man tawh thu a sawi bawk.

World No Tobacco Day khan zuk leh hmuama fihlim sikul 4 thlan chhuah niin heng zing atang hian Gov't Middle School 1 chu Felicitation Prize Pi Lalbiaksangi, District Bawrhsap chuan a hlan bawk.

Pu PC.Lalhmingliana SMO, Mamit chuan kal khawm te hnenah lawmthu sawina a nei a. Programme tawpah dan lova an man cigarette-te tui leihin tih riralna an nei bawk.