National Level Monitor (NLM) chuan Kolasib an tlawh a, vawiin khan DC Conference Hall, Kolasib-ah thingtlang hmasawnna atana centrally sponsored scheme (CSS) khawihtu Department te nen an hmalak leh hnathawh dan enho na leh sawihona hun neih a ni.

Sorkai laipuia Ministry of Rural Development in District a Centrally Sponsored Scheme viz. MNREGA, IAY, IWMP, Swachh Bharat Gramin, NRDWP leh NSAP hnuaia hmalakna te endik a vil turin NLM hi a din a. Kolasib District hi Dr.Amit Rahul, Ministry of Rural Development official leh a hote chuan tlawhin, district chhunga khaw thlan bik 10 a CSS hnuaia hmalakna hrang hrang an endik dawn a ni.