Vawiin khan State Central Library Reading Hall, New Secretariat Complex-ah Art & Culture Department buatsaihin Public Library Day vawi 3na hman a ni a. Art & Culture Minister Pu R. Romaiwia chu Khuallian a ni. 

Pu R. Romawia chuan khawtlang leh zirna hmasawnna atan lehkhabu tha chhiar pawimawhzia  hria in Public Library Day kum tina hman ani leh tlawmngai pawl YMA te’n Public Library awmze nei taka an enkawl thin chu lawmawm a tih thu a sawi a. Raja Ram Mohan Roy Library Foundation (RRRLF) hnuaiah State Central Library leh District Library te tihchangtlun chhoh zel anih thu Minister chuan a tarlang a. Library chu finna robawm a ni tiin lehkhabu a miten finna anlo chhekkhawl chu chhiara hmasawnna atan hmang tangkai lehzual turin kalkhawmte a chah a. Public Library-te alo changtlun zel nan a enkawltu te chu mipuiin lehkhabu an rawn lam anlo neihloh chuan chhinchhiaha chungte chu library ah kawl ngei tuma hmala thin turin Art & Culture Minister chuan a chah bawk a ni. 

Public Library Day hi India ram khawtlang nun siamthatna  atana thawktu (social reformer) Raja Ram Mohan Roy piancham May ni 22-ah kum 2015 atang khan lo hman tawh thin a ni. 

Mizoram State Library hi 1974 ah din a ni a. Tun dinhmunah hian lehkhabu 62074 hawh theihin a awm a, Govt. Recognised NGO Libraries 485 a enkawl bawk a ni. 

Public Library Day lawmna inkhawm hi Pi Thanhliri Pachuau Art & Culture Secretary-in a kaihruai a, Pu Lalramliana Librarian, Mizoram State Library-in report kimchang a pe bawk a. He hunah hian State Library leh District Library member atanga  Lehkhabu hawh tha lawmman pakhatna atanga pathumna sem nghal a ni.

Attachment

  • Loading attachment...