No.2731/2021-2022
Aizawl dated 26th October 2021: Vawiin khan Kolasib DC Conference Hall-ah 4-Tuirial (ST) AC Bye-Election neihna tur a Polling Station-a Security leh Medical Duty tur mi 32-te tan Ballot Paper hmang a Vote thlak hun hawn a ni a. He thu buatsaih lai hian mi 29 ten Vote an thlak tawh a ni.

4-Tuirial (ST) Assembly Constituency Bye-Election neih tur atan a inbuatsaihna kal zel ah vawiin khan I&PR Conference Hall, Project Veng, Kolasibah inthlanna atan a hman tur bungraw hrang hrang enkawl, thawn chhuah leh lakkhawm kawnga mawhphur tur a ruat, Material, Despatching & Receiving Team-te tan Training buatsaih a ni a. Pu Vanlalchhuanawma Chawngthu, Election Officer chuan Training hi kaihruaiin Polling Station leh Counting Hall-a hmanrua lut leh chhuak felfai tak a chhinchhiah leh dah that chungchanga hriattur pawimawh hrang hrangte inhrilhhriatna hun neih a ni.

Despatching & Receiving Team-te hi Sector 6-ah then niin mi 46 an awm a ni. Vawiin vek hian vote chhiar tur a Official ruatte duty dan tur ruahmanna hmasa (1st Randomization of Counting Officials) leh Micro-Observer training neih a ni bawk a ni.