DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/4-tuirial-st-ac-bye-election-ah-vote-8129-tlap

4-TUIRIAL (ST) AC BYE-ELECTION-AH VOTE 81.29% TLA

No.2810/2021-2022

Aizawl the 30th October 2021: Vawiin 4-Tuirial (ST) Assembly Constituency bye-election neihna a Polling Station 27-a vote tla zat chu za zel ah 81.29 a ni a, vote 34-te chu Covid-19 hri vei, khunghran laite an ni.

Voter 17,911 awmna 4-Tuirial (ST) Assembly Constituency-ah hian Polling Station 27 awmin tukin dar 7:00 AM atanga vote thlak țan a ni a, tlai dar 5:00 PM - 6:00 PM inkar hi Sabbath serhte leh Covid-19 hri kaite tan a ruahman a ni a, hri kai mi 34-ten PPE ha chungin vote hi an thlak a ni. Vote tla zawng zawng hi 14,561 a ni a, hemi zinga 7,152 chu mipa niin 7,409 chu hmeichhia an ni. Voter 487 awmna Lungmuat Polling station-ah hian 90.96 % vote tlain, voter awm zat atanga chhut a za zel a vote tlak tamna ber a ni a, Zodin Polling Station-ah 29.03% vote tlain vote tlak tlemna ber Polling Station a ni.

Attachment