No.2689/2021-2022

Aizawl the 22nd October 2021: Vawiin chawhma khan 4-Tuirial (ST) Assembly Constituency Bye-Election neih tura Polling Station tin a duty tur, Nodal Health Officer leh Covid Nodal Officer-te mawhphurna hrang hrang inhrilhhriatna hun, I&PR Conference Hall, Kolasibah neih a ni.

He hun hi Pu Vanlalchhuanawma Chawngthu, Election Officer chuan kaihruaiin 4-Tuirial (ST) Assembly Constituency huam chhunga Nodal Health Officer 4 leh Polling Station tin a duty tur Covid Nodal Officer 27-te an tel a. Dr.R.K.Lalthlamuana, SMO leh Pu Lalnunfela, Nodal Officer for Covid-19 SOP ten hrileng lak a him, inthlanna kalpui a nih theih nana zawm tur pawimawh inzirtirna hun an hmang a ni.

He hunah huan Polling Booth tin a dah tur hmanrua pawimawh hrang hrang - Thermal Scanner, Disinfection Solution & Sprayer, Hand Sanitizer, Gloves-te sem nghal a ni.

Polling Station chhunga SOP ruahmanna langsar zualte chu:

1. Polling Station-tinte chu Vote thlak hma ni in tihthianghlim vek a ni ang.

2. Vote thlak turte chu Polling Station hung chhung an luh dawnah Covid Nodal Officer-ten Thermal Scanner hmangin an enfiah vek ang.

3. Vote thlak tur zingah a nih dan tur baka sang khawsik an awm a nih chuan endik nawn an ni ang a, chuta a la sang a nih chuan Vote thlak theih hun darkar hnuhnung berah Covid-19 laka invenhimna dan zawm chungin, Vote thlak tir an ni ang.

4. Polling Station huam chhung, 6 feet danah rin bial (circle) mipui intlarte dinna tur siam a ni ang.

5. Polling Station luh leh chhuahnaah kut silna hmanrua chhawp a ni ang. Vote thlak tura kal ten kut an silfai tur a ni a, chu chu VLTF-ten an vil ang.

6. Vote thlak tura kalten hmai tuamna an lo ken loh palh thulah hmaituamna dah a ni ang a, chu chu Covid Nodal Officer-ten a tul angin an sem ang.

7. Hmun remchangah Covid -19 chungchang zirtirna Poster tar a ni ang.

8. Polling Booth chhungah Polling Official leh Polling Agent-te inkarah Social Distancing dan zawm a nih theih nan thutna siam a ni ang.

9. Polling Agent zingah Covid -19 Symptoms nei an awm a nih chuan midang thlak tir an ni ang a, chu chu Presiding Officer in a chhinchhiah ang.

10. A tul a nih chuan Polling Officer-in Vote thlak tura kalte, an nihna tichiang turin an hmai tuamna a phelh tir thei ang.

11. First Polling Officer-in Voter-te kut pahnihah Sanitizer in an kap (Spray) sak zel ang.

12. Polling Official hmaah Voter pakhat bak din/awm phal a ni lova, Social Distancing dan zawm bawk tur a ni.

13. COVID-19 vei lai leh rinhlelh avanga khunghrante chu Vote thlak theih hun darkar tawp berah, an Polling Station theuhah Vote thlaktir an ni ang. Chu chu Nodal Health Officer leh Covid Nodal Officer-ten Covid-19 laka invenhimna kalpui chungin an enpui ang a, Sector Magistrate-ten an huam chhunga mite an enpui bawk ang.

14. Vote thlak tur, Containment Zone chhunga awm an awm chuan a tul angin inkaihhruaina hran siam a ni ang.