Vawiin chawhma dar 11:00 khan District Playground, Saiha-ah “ Mara Autonomous District Council Day Vawi 40- na” chu ropui leh urhsun taka lawm a ni.

He Ni lawmna inkhawm hi Pu C.F Fachhai, Executive Secretary, MADC Saiha chuan a kaihruai a, Rev Zakonia M.Hmocho, Moderator, E.C.M. chuan hunserh a hman hnu in C.E.M, M.A.D.C. Pu R.T. Zachono chuan Flag pawhpharhna a nei nghal a, hawnna hla “Mara Hlasa Py” ten an sa a, chumi hnu ah he ‘Ni’ lawmna a khuallian Pu R.T. Zachono, chuan thu sawina nei in heng lehkhabu “Mara Reih Grammar Bu” Pu A. Zakia ziak leh “Mara Land Bharti (Class-V to VIII)” MADC Publication Board ten an buatsaih chu a tlangzarh nghal a ni. He Ni lawmna ah hian Pu Hiphei, Chairman MADC, Pu S. Pailei, Ex-CEM, MADC, leh Pu AB Roma, Ex-Chairman, MADC ten thusawina an nei a, Programme karlakah hian raimal zaithiam tak tak te zai ngaihthlak anih bakah Zaipawl, Gospel Outreach Ministry ten thiam takin hla an rem a, hnamlam hmuhnawm tak MADC Cultural Troupe ten an entir bakah E.C.M. Choir, zaipawl ten thiam takin hla an rem bawk a ni.

He Ni lawmna ah hian MADC Officer leh Staff te an kal kirn hle a. Saiha khawpui chhunga Department-hrang hrang hotute bakah chanchinthar thehdarh tute pawh an tel tha hle a ni. Pu Pachi Hlychho, Secretary (Leg), MADC chuan lawmthu sawina neiin he “MADC Day” lawmna hi tihtawp a ni.