Industries Department leh Prithbi welfare Society ten Aizawl-a hlawhtling taka an buatsaih International N.E. Trade Expo chu Saikuti Hall, Lunglei-ah ni 30 April atanga ni 14 May, 2013 chhung hian buatsaih leh a ni dawn a. April ni 30 tlai dar 2:00 PM hian Pu P.C. Lallawmsanga, IPS Principal Secretary, Industries Department chuan hawnna a nei ang.

He International Trade Expo neih a nih theih nana Pu P.C. Lallawmsanga, Principal Secretary leh Industries Department-a hotute chuan hma nasa taka la in, India ram hmun hrang hrang bakah Bangladesh, Egypt, Phillipines, Thailand, Nepal, Pakistan atang tein an thil siam phochhuah a ni dawn a ni. He trade expo-in a tum ber chu ram chhung a bik takin hmarchhak bial chhunga thil deh chhuah leh kut themthiamna pho chhuah a ni ang a. He trade expo hian ram chhung thil leitute leh investors-te bakah khawvel hmun hrang hrang atanga sum invest thei tur leh lei chhuak tur a zawng pah dawn a ni. He International N.E.Trade Expo buatsaih nana sum sen so zawng zawng hi Prithvi, Guwahati hian a tum dawn a.

He trade Expo hi Look East Policy nen pawh in rem tak a ni dawn a. Look East Policy hi sawrkar laipui hmalaknain chak taka kal pui mek a ni a. Hetianga state sum sen ngai lova, Look East Policy bul tanna programme kan state ah ngei kan han nei thei hi thil lawmawm tak a ni. A chhawrtute chu zoram mipui, a bik takin thilsiamtute leh sum dawng mite an ni dawn a. Hetiang lama rilru lo seng thin leh Look East Policy nghakhlel taka lo thlirtute tan phei chuan a chhawrnahawm viau tura ngaih a ni. He trade expo avang hian ram chhung thilsiam pawh that phah sawt tur leh nasa taka hmasawn tura beisei a ni.

Expo hi India International Trade Fair 2012-a Business offer hmuh tih hlawhtlinna a ni.