Vawiin chawhma dar 10 khan State Vety Hospital, Lunglei-ah World Veterinary Day 2013 hman a ni. Dr. F.Lalramhluna, Sr. Vety Officer State Vety Hospital Lunglei in inkhawm hi kaihruaiin Dr.Vanlalbuanga, DVO Lunglei chu khuallian a ni.

Khuallian chuan World Veterinary Day hi kumtin April thla inrinni hnuhnung ber ah hman thin a ni a, Hemi ni hi Veterinarians ten kan ranvulh te mai bak ah mipui vantlang hriselna atan te, eitur tha tharchhuahna te leh kan chhehvel leilung leh boruak vawn that leh humhimna atan te a pawimawhna kan phochhuah nan ruahman a ni. Kumin thupui ah pawh Vaccination to prevent & potect tih a ni a. He hun kan hmanna ah hian Ran hri lak a venna Vaccination pawimawh zia te, hei hi ran mai piah lam ah mihring hriselna thleng a a pawimawh zia leh kan ran te a hun tak a vaccine thin loh avang a sum leh pai kan chan hnem thin zia te pawh hi uar takin mipui te hrilh hria ang u, a ti a ni. Mizoram ah hian World Veterinary Day hi vawi 2 hmanna a ni.