Directorate Information & Public Relations leh Films Division, Govt. of India tangkawp buatsaih ni thum awh ‘Mumbai International Films Festival’ chu vawiin khan zawh fel a ni. Festival ah hian Documentary Short leh Animation Films te chhuah thin a ni.

He festival chhung hian Films 16 chhuah hman a ni a, vawiin a kharna atan Mizo Film thar ber ‘Zodinpuii’ chu chhuah a ni. Festival hi mipuiin an hlut hle a, school naupang, university zirlaite leh film lama tuimi ten an chhim thin a ni. He festival hian Mizoram ah film lama tuina thar a chawhchhuah ngei beisei ani.

Sawrkar laipui Films Division hian Mumbai International Films Festival, kum hnih dana an neih thin chu state hrang hrangah a chhawpchhuak thin a, tun tuma Aizawl- a neih hi Mizoramin a thlen vawi khatna a ni.