662/2025-2026

Aizawl;  30^th May,2025: 4^th General Election to Aizawl Municipal Corporation(AMC),2026 inbuatsaihna kal mek zelah vawiin khan DC Conference Hall-ah Dr.H.Lalthangliana, Mizoram State Election Commissioner  kaihhruaina hnuaiah Women Reserved Seats 6 tur thumvawra zawnna  programme hman a ni.

Dr. H.Lalthangliana chuan thumvawr (Draw of lots) kalpui dan tur chipchiar taka sawifiahin, State Election Commission chuan felfai tak leh lang tlang taka thumvawr( draw of lots) hi kalpui a duh avangin ngaihtuahna pawh kan seng nasa hle a ni, a ti.

Vawiin programme-ah hian Recognized leh Non-Recognized Political Party aiawh te, MJA aiawh te, Mizoram Upa Pawl (MUP) aiawh te leh Mizoram People Forum aiawh te an tel a. Thumvawr( Draw of lots) hi Mizoram Upa Pawl (MUP), Mizoram People Forum leh Mizoram Journalists’ Association aiawh ten an pawt nghe nghe a ni.

Tichuan AMC hnuaia Wards 19 atangin  heng Ward te hi   General Election to AMC, 2026 a Women Reserved seats atana thumvawr hmanga thlanchhuah te chu  an ni: 

1)    Ward No.-- 2

2)    Ward No.-- 4

3)    Ward No.-- 5

4)    Ward No.-- 11

5)    Ward No.-- 12

6)    Ward No-- 17