663/2025-2026

Dated Kolasib the 30th May, 2025 : Vawiin khan Kalvari Home TNT Kolasibah Chaw siam dan leh sawngbawl dan tha inzirtirna – Training on Food Processing under DAY-NULM chu District Urban Development Office buatsaihin neih a ni a. He hunah hian Shelter for Urban Homeless(SUH) Components hnuaia Social Mobilisation and Institutional Development(SM&ID) Member-te’n zirtirna an pe a ni.

He Training hi Pu Lalrinawma, Kalvari Home Director chuan kaihhruaiin kalkhawmte chu lawmna hun a hmanga. Pi Josephine Zonunsangi, District Urban Development Officer (DUDO), Kolasib chuan he hunah hian thusawina hun hmangin DAY-NLUM sawizauna a hmanga. DAY-NLUM chu Sawrkar laipui Scheme pawimawh tak pakhat, kawng hrang hranga mipuite’n hamthatna an dawn theihna tura duan a nih thu a tarlanga. Vawiina DAY-NLUM hnuaia Training on Food Processing an hman pawh chuan a tum ber chu mipuite hnena eitur tuihnai leh awlsam zawka siam dan zirtirna pek a nih thu a sawi a. He Training kaltlang hian Kalvari Home-a Campers-te chuan eizawnna tling thiamna a chhar ngei a beisei thu a sawia. Kolasib DUDO chuan he Training kaltlang vek hian chaw nawi ṭawih thei aṭanga lei ṭha siam dan zirtirna pek thin a nih thu sawiin, hei hian thil chhia aṭanga thil ṭha siam kawngah mipuite'n ngaihtuahna an sen chhoh zel a beisei thu a sawi a. Kolasib DUDO hian thuchah tawi a sawi hnu hian Training on Food Processing hi tan nghal a ni.

Vawiin a Kolasiba Kalvari Home-a Training on Food Processing neihna ah hian Chilli Oil siam zirtirna neih a nih bakah Home Composting Waste to Wealth-te zirhona neih a ni a. DAY-NULM hnuaia SM&ID Component-a SHG Member Pi Lalnunmawii Mari SHG, Pi Hmingthanmawii Estheri SHG, Lalmuanpuii Sailo Mari SHG leh H.Lalṭanpuii Pi Zai SHG Member-te chuan zirtirna hi an pe a. He Training-ah Kolasib DUDO ṭawiawmin DAY-NULM Kolasib City Mission Manager Pu Zothanmawia Hrahsel leh Pi H.Lalremruati te an tel bawk a ni.