Pu R. Lalzirliana, Home Minister, Mizoram chuan Inrinni (3rd August, 2013) khan Rengdil khua-ah 4th IR Bn Headquarters dinna tur lungphum a phum.

Lungphum hawnna 4th IR, Bn Hqrs hmuna Pandal zara inkhawm buatsaih Pu Lalbiakzama, MPS Joint Secretary, Home kaihruaiah Home Minister chuan thusawiin sipai sangkhat rual awm theihna tur 4th IR Bn Hqrs lung kan phun thei ta hi thil lawmawm tak leh chhinchhiah tlak a ni, a ti a. He mi dinna atana ram leh huan puitling engmah beisei lova petu mi 25 te chungah thinlung takin lawm thu a hrilh bawk.

Home minister chuan chi leh chi inkara buaina awm thin hian harsatna min thlen thin a ni tiin Mizo kan nihna ah hian lungawi ila chu chuan hmasawnna min thlen mai dawn a ni a ti. Hnam bil, chi bil anga inlak hranna-ah mitinte fimkhur tura chahin tuikuk unau ten hel, hmanrua a hmanga min tih chep an tum a nih chuan hei hi an tih loh tawp tur a ni, zofate hi kan tlawm mai dawn lo, ani tih hria-in huaikawm bawl zawnga che lova that an chhuah a ngai a ni a ti bawk.

Pu R. Lalzirliana chuan Inthlan dawn a mi chi hrang hrangte leh pawl angte a nawrna awm thinte hi ram tana tha tur nia kan hriat bak ah hian sawrkar hi a tlawm dawn lo a, a tawlh dawn lo a ni a ti bawk.

Sawrkar-in ram hmasawnna tura a hmalakna hrang hrangte tarlangin 3IR Bn Hqrs hmun tur Lawngtlai District chhunga Thingkah ah cheng Vaibelchhe 31 hmanga din anih tur thu leh hna thawhtan thuai anih tur thu te, Central sawrkar remtihna in Fire Department tih changtlunna turin chengnuaih 1000, Jail-a hmeichhe Ward siamna tur NLCPR atangin cheng nuaih 1400 senna tur te, Traffic Police Office tihchangtlun nana cheng nuaih 500 leh DGP Office sak thatna tur cheng vaivelchhe 30 (NEC) atanga hmuhna turin DPR siam anih tawh thu a sawi bawk a ni.

He lungphum phumna hunah hian Pu Lalrinmawia Ralte, Parliamentary Secretary, Home Bialtu MLA ni bawk pawhin Rengdil a 4th IR Bn Hqrs dinna tura thutawp siamtu Chief Minister Pu Lal Thanhawla leh Pu R.Lalzirliana Home Minister te chungah Bial mipui aiawhin lawmthu a sawi a, Bial chhung khaw hrang hrangte pawh in Rengdil a 4th IR Bn Hqrs dah tura sawrkar hmalakna te harsatna siam miah lova an pawmpuina ah Bial chhung khaw hrang hrangte chungah thinlung takin lawmthu a sawi bawk.

Pu Lalrinmawia Ralte Parliamentary Secretary, Bialtu MLA chuan Dt 3rd August hi Pu R.Lalzirliana Home minister kum 64 tlinna Birthday anih angin Bial aiawhin lawmpuina a hlan nghal a ni.

He Lungphum phumna hunah hian Rengdil Welfare, Aizawl leh Hachhek Constituency Development Committee (HCDC) pawhin 4th IR Bn Hqrs Rengdil a dah a nih chungchangah sawrkar chungah lawmthu an sawi bawk.

Pu R.Lalzirliana Home Minister kum 64 Birthday lawmpui nan Hmuntha tlang Primary School leh Govt Middle School I Rengdil naupang ten thilpek an hlan bawk a ni.

Pu C.Zorammuana DIG(Northern Range) in lawmthu a sawi a ni. Lungphum hawnna ah hian Zaithiam hrang hrang zaiin tlaiah khawtlangin ruai theh a ni bawk.

Rengdil khua-a 4th IR Bn Hqrs Lungphum phumna hun hi Pu V.Lalremthanga District Bawrhsap Mamit leh Official thahnem takin an hmanpui a ni.