1576/2022-2023

Mamit 12th August, 2022 : Vawiin khan Multipurpose Hall, Bn Hqrs, Luangpawl, Mamit-ah 4th India Reserve Battalion Raising Day vawi 15-na lawmna neih a ni a. Pu Lalnunhlua, Mamit District Bawrhsap chuan khuallian niin he hun hi a hmanpui.

Khuallian chuan vawiina 4th IR Bn. Raising Day vawi 15-na hmang theia an awm chu a lawmpui thu sawiin dan leh thupek kenkawh kawngah leh rikrum thilah te kan District innghahna an ni tih inhria a, an awmna hmun apianga rinawm leh thahnemngai taka thawktu ni theuh turin a chah a. Civil mi aiin Uniform ha mi te chu an nun uluk lehzual tura chahin an kianga mite tana harsatna siamtu ni lova, thlamuanna thlentu ni tura rinawm taka duty thin turin a chah.

Pu K.L Vulmawia, Commandant, 4th IR Bn. chuan 4th IR Bn. te fuihna thu tha tak tak a sawi bakah Powerpoint presentation hmangin 4th IR Bn. te hlimthla leh chettlat dan hrang hrangte thlirhona neih a ni a. Dr. Joseph C. Lalremruata, Secretary, Mamit Officers' Club chuan thu sawina a nei bawk.

He hunah hian Police Pensioner bakah sawmbikte atanga thu sawi hrang hrang ngaihthlak a ni a. Programme hlimawm tak tak hmanho a ni bawk.

Raising Day lawmna hi Pu Lalpianthanga, Dy. Commandant, 4th IR Bn. chuan kaihruaiin Pu F. Lalniliana, Asst. Commandant, 4th IR Bn. chuan lawmthu sawina a nei a ni. Raising Day hi Sial talhin ruai nen ropui taka lawm a ni.