1575/2022-2023

Aizawl the 12th August, 2022 : Vawiin khan Mizoram Legislative Assembly-a Public Accounts Committee chuan an chairman Pu Vanlalhlana hoin Institute of Hotel Management, Bung Banglaa mi chu a hmunah an en.

Hotel Management Institute hi kum 2015 khan PWD chuan sa zoin Tourism Department kutah a hlan tawh a, chuti chungin tun thleng hian luah mumal lohin a la awm a. Public Accounts Committee chuan a dinhmun dik takte a hmunah enpuiin ţangkai taka hman ngei a nih theih dante sawiho a ni.

Public Accounts Committee-ah hian Chairman Pu Vanlalhlana bakah Dr ZR Thiamsanga, Dr Vanlalthlana leh Pu Zothantluangate an tel a, Assembly Secretariat official-te leh Tourism Department hotute'n an țawiawm bawk a ni.