Vawiin chawhma khan 57th. Bn.BSF Lunglei Zotlang a mite chuan Lunglei Civil Hospital-a amamawh apiang te hman turin a thlawn in Thisen Unit 30 an pe.

57th. Bn.BSF te hian Civic Action Programme hnuaiah vawiin chawhma khan an Commandant Raja Paul hovin Civil Hospital Lunglei-a hman turin thisen hi an pe a. Lunglei Civil Hospital-a thawktute ten Battalion hmunah kal chilhin thisen hi an la ani. He hun hi Pu Joseph Lalhimpuia Vice Chairman, HPC, Pu Joseph Lalramsanga Addl.DC Lunglei,Dr.Lalsanga CMO, Pu Malsawmsanga PRO, I&PR, Birmingham, England a Doctor zirlai pathum Christian Hospital Serkawn-a Practical ti lai leh Media lam mi thahnem tak in an hmanpui a ni.He hun hmanpuitu HPC Vice Chairman chuan hetianga BSF ten thisen an pe chu lawmawm a tih thu sawiin, hei hian BSF te leh Civil mite inkar-ah inpawhna tha zawk a siam ngei a beisei thu a sawi a, nidang ah pawh tih chhunzawm thei thin nise a duh thu a sawi bawk ani.