Vawiin chhun dar 10:30 khan Lunglei I&PR Conference Hall ah 5th Anniversary of Statistic Day 2011 hman ani. He hun hi Pu Johny Zoramthanga, DRO in inkhawm kaihruaiin PuT.Lalduhawma Addl.DC chu khuallian niin hun a hmanpui.
Pu Duhawma chuan thusawiin kawng tinrenga India ramin hma a sawnpuina statistics pawimawhzia hi kanla hre chianglo hle a, chuvangin mipui vantlang leh sawrkar office ah te hian awareness pe thei ila statistics pawimawhzia leh hlutzia te hi hrilh hre thei ila a lawmawm hle ang ati. Statistics Department hian District pumpuia kan ei leh bar te Industry a kan dehchhuah te zirna kawng te leh thil dang dang ah te in tin leh hmun tina kalin thawktu ten Survey an neih te hi theihtawpin tanpui theuh thei turin a duh ani. Hei hian Zoram a tih hmasawn ngei a ring. Statistics Department hi District hlimthla ani ati bawk.Pu Duhawma hian Statistical Abstrac of Mizoram 2009, Statistical Hand Book 2010 leh 2011 Census Provisional Population Totals & Socio Economics Map of Lunglei District RD Block Wise te a tlangzarh bawk a ni. Vawiin a Statistics Day hmanna thupui atan hian 'Gender Statistics' tih hman a ni.
