India ram hmun dangte rualin vawiin khan Aijal Club-ah Mizoram sorkar a Department of Economics and Statistics buatsaihin Statistics Day vawi 5-na hman a ni a. Planning & Programme Implementation Minister Pu H. Liansailova chu khuallian a ni.
Minister hian Economics and Statistics Department buatsaih Statistical Handbook 2010, A Report on Agriculture Input Survey 2006-2007, A Report on Agriculture Census 2005-2006, Employment and Un-employment in Mizoram leh Meteorological Data of Mizoram 2010 te he inkhawmah hian a tlangzarh a. Minister chuan Mizoram mipui mamawh, rintlak, hmantlak leh rotling he Department in a buatsaih thin chu fakawm a tih thu sawiin ramin hma a sawn theihna tura ruahmanna hrang hrangte chu Statistics behchhan rintlak leh fel tak tel lo chuan a siam theihloh a ni, a ti. He Department in Data hrang hrang a lakkhawm te hian Mizoramin a tlakchham leh a mamawh te a tarlang a, chung Data pawimawhte chu innghah nana hmangin Planning siam tu ten Mizoram hmasawnna tur ruahhmanna pawimawh tak tak an duang thin a ni, a ti. Minister chuan Statistics pawimawhna hi mipui nawlpuiin hre pha lo mahsela mihring khawsakhona, inenkawlna, inrelbawlna leh ram hmasawnna hi a tel lovin a kal thei lo a, chuvangin Economics and Statistics Department a thawktute chuan an pawimawhna hria a taima taka thawk chhunzawm zel turin a fuih a. Thenawm ram Myanmar, Bangladesh leh state thenawm atangte a Mizoram chhunga lo lut an tam avangin, Birth and Death Registration changtu he Department hian ram chhung mite venhimna hna pawh thui tak an kutah a awm a ni, Minister chuan a ti bawk.
Indian Economic Planning and Statistics a sulsutu Professor Prasanta Chandra Mahalanobis hriatreng nan a piancham June 29 hi India sorkar chuan Statistic Day-ah a puang a, kum 2007 atang khan kum tin thupui hrang hrang neiin hman thin a ni a, kuminah hian thupui atan "Gender Statisctics" an hmang a ni.
Vawiin inkhawm hi Department of Economics and Statistics Director Pu Ngunlala Chinzah chuan a kaihruai a. Nilenga hun hman niin chawhnuah an thupui "Gender Statistcics" chungchang a paper, Research Officer Pu C. Vanlalmuana buatsaih chu an zirho nghal a ni.
Indian Economic Planning and Statistics a sulsutu Professor Prasanta Chandra Mahalanobis hriatreng nan a piancham June 29 hi India sorkar chuan Statistic Day-ah a puang a, kum 2007 atang khan kum tin thupui hrang hrang neiin hman thin a ni a, kuminah hian thupui atan "Gender Statisctics" an hmang a ni.
Vawiin inkhawm hi Department of Economics and Statistics Director Pu Ngunlala Chinzah chuan a kaihruai a. Nilenga hun hman niin chawhnuah an thupui "Gender Statistcics" chungchang a paper, Research Officer Pu C. Vanlalmuana buatsaih chu an zirho nghal a ni.
