Kolasib District Badminton Association (KODBA) buatsaih 5th Kolasib District Inter Club Badminton Championship 2019, chu (31/5/2019) khan zawh fel a ni a, kharna inkhawm hi Kolasib bialtu MLA Pu K. Lalrinliana, Minister of State chuan khuallian niin a hmanpui.

KODBA president Pu F Lianhmingthanga kaihhruai kharna inkhawm tawiah hian Supply Minister chuan Badminton chu infiamna chi hrang hrang zingah naupang atanga kum 70/80 thleng pawha tel theihna leh taksa hrisel neih theih nana insawizawina tha ber anih thu sawiin sport disipline hrang hrangah amah ngei pawh a tuina ber anih thu leh uar deuh deuh aha atih thu a sawi a, Tournament buatsaih chu thil hautak tak a ni chungin, hetiang District huapa in elna buatsaih thei hruaitute inpekna leh thawhrimna fakawm atih thu a sawi bawk.

Minister chuan, Kolasib bialtu MLA anih hmasak laia tuna hall hman mek hi sak anih thu tarlangin, sawrkar hmasaa Kolasib bialtu MLA, Pu PC Zoramsangliana'n hetiang taka tha Badminton Court alo buatsaih chu lawmawm atih thu leh KODBA ten Court a Carpet phah anih theih nana hma la tura an ngenna chu a MLA Fund lak hmasak berah a senso atan cheng Nuai 4 a pek tur thu a sawi a, tuna Badminton Championship buatsaihna senso atan cheng sing khat a pe nghal bawk a ni.