Vawiin chawhnu dar 2PM khan Higher & Technical Institute Mizoram Auditorium, Kawmzawl Pukpui ah Zirlai Graduate 86 te thlahna 10th Veledictory Ceremony hun hman ani. Higher& Technical Education Minister Dr. R. Lalthanglina chu khuallian niin Pu Lawmawma Tochhawng, Vice Chairman, High Powered Committee, Lunglei chu khualzahawm ani.

Zirlai thlahna inkhawm hi Pu Vuansanga Vanchhawng, Principal, HATIM in kaihruaiin Dr. R. Lalthangliana chuan Graduate te HATIM atanga tha taka pass chhuah  avangin a lawmpui a, tunhma chuan harsatna leh thawhrimna nena lehkha zir a ngaithu a sawi a, tunlai zirlai te in vannei hle a hnathawh ngai lovin lehkha in zir thei a ni ati. MZU hnuai ah HATIM result hi Mizoram ang ah chuan zirlai ti tha chhuahna ani a, zirtir
tute an chhuanawm hle ani ati.HATIM zirlai te danglam bikna chu mahni subject an bel tlat hi ani tiin zir chhunzawmna zelna turah hmathlir nei ran chunga taimakna nena zir zel turin a chah ani. Chhimlam hi UPSC mai bakah State Service ah pawh kan tling thei lo hi kan in enchian a ngaih thu sawiin pass ringawt hi duhtawk lovin quality hi a pawimawh ani ati.Ram tana mi chhawrtlak chherchhuah tum turin zirtirtu te a chah bawk ani.

Khualzawhawm Pu Lawmawma Tochhawng chuan HATIM in kumtin a Magazine an chhuah thin  DOKIMOS tlangzarna a nei ani. 

HATIM atanga zirlai  Graduate te hi Bachelor of Social work 23, Bachelor of Computer Science ah 14, English ah 20 leh B.Com ah 29 an ni.