Vawiin khan State Central Library, Art & Culture Department buatsaihin State Central Library Reading Hall, New Secretariat Complex ah Librarian’s Day chu Art & Culture Secretary Pi Rosangpuii hovin hman a ni.

Pi Rosangpuii chuan Mizoramin library a hmelhriat tan dan tarlangin 1969-ah subdivisional library din a ni a, hemi hnu kum nga ah State Library din a ni a. Tun dinhmunah sorkar din mipui mimir tlawh theih public library leh zirna in hrang hranga library tha tak tak engemawzat bakah Art & Culture enkawlna hnuaiah tlawmngai pawl NGO te din library 467 zet a lo awm ta a ni, a ti a. Mithiam ni tur chuan lehkhabu chhiar leh rawn tam a pawimawh a, lehkha chhiar zau apiang chuan kawng engkimah inrintawkna an nei thin tih sawiin Art & Culture Secretary chuan Library hlut leh hmang tangkai lehzual turin mipuite a sawm a ni.

Ministry of Culture, Government of India hnuaia Raja Rammohun Roy Library Foundation (RRRLF) Kolkata duh dan angin 2009 atang khan 12th August hi Librarian’s Day atana hman a ni a. Mizoram-ah pawh State Library, Art & Culture Department bul tumin 2010 atang khan Librarian’s Day hi hman tan a lo ni ta a ni. 12th August 2014 hi Librarian’s Day turn 5 hmanna tur a lo ni ve ta a ni.

India mi Library service tihhmasawnna atana thawhhlawk tak India ram leh khawvel hriat pawh a miropui ‘Father of Library Science” ti a hriat Dr.S.R.Ranganathan-a hi khawvel a hriatna chi hrang hrang ‘Universe of Knowledge’ te awmze nei leh mumal taka thliarhranna tur atan ‘Book classification scheme’ hming hmingthang tak Colon Classification hmuchhuaktu a ni a. Heng bakah hian Five Laws of Library Science duang chhuaktu a ni bawk a. India ramah Library Service mumal taka dan fel tak neia a kal theih nan 1942-ah ‘Draft Model Indian Libraries Act’ a duang chhuak a. Public Library Act hmasa ber ‘Madras Public LibrariesAct 1948 chu Dr.S.R.Ranganathanahmalaknaavangin passed a ni. Mizoram sorkar pawhin 1993 khan ‘The Mizoram Public LibrariesAct 1993’ a lo passed tawh a, rokhawlhna avangin Library Act hi hman a la ni rih lo a ni. Government of India chuan ‘Library Science Pa tia hriat Dr.S.R.Ranganathan-a chawimawina atan a pianchampha 12th August hi Librarian’s Day atan hman tura a lo duan angin hman a lo ni chho ta thin a ni.

Art & Culture Secretary hian State Library leh District Library Aizawl atanga Library lehkhabu chhiar tha te hnenah 2013-2014 chhunga Best Reader Award a sem a. State Library atanga Children’s member atangin lawmman 1-na Vinod Kumar s/o Bhim Bahadur(L) Bungkawn Vengthar, 2-na . R.Malsawmtluangi d/o R.Lalhruaitluanga Khatla South, 3-na Lalrinfeli d/o Lalrinawma, New Sectt. Complex, 4-na R.Lalremtluangi d/o R.Lalhruaitluanga, Khatla South, 5-na Lalhlimpuia s/o Thomas Lalrammawia, Judicial Quarter, New Sectt. Complex, Khatla te hnenah Children Best Reader Award hlan a ni.District Library Aizawl atangin Adult member lehkhabu chhiar tha lawmman dawngtute chu - 1 -na Ramzauzeli d/o Lalhliapi Kulikawn, 2-na R.Lalhlimawmi (Te-i) d/o R.Lalfela, Republic Venglai, 3-na H.K.Lallawmchhunga s/o H.K.Lalparliana, Bungkawn, 4-na J.H.Lalmawizuala s/o J.H.Hmingthanchuanga Chanmari West, 5-na Kapliana Pachuau s/o Chalmawia, Venghnuai te hnenah Adult Best Reader Award hlan a ni.

Librarian’s Day lawmna inkhawm hi Pu Ngurbiaka, Director, Art & Culture Department-in a kaihruai a, Dr. Lalremsiami, Librarian, Mizoram Univeristy chuan Library tha neih nana Library enkawltute tih tur leh mawhphurhna a sawi a. Pi Carol VLMS Dawngkimi Deputy Director, Art & Culture Dept.-in lawmthu sawiin hun hnung a khar a ni.