Sorkar laipui DoNER Ministry leh Indian Chamber of Commerce (ICC) buatsaih 5th NE Business Summit chu January ni 8-9 khan Hyatt Regency, Kolkata-ah neih a ni a. Summit hawnna inkhawm hi DoNER Minister Pu B.K.Handique-in a kaihruai a, Union Minister for Food Processing Pu Subodhkant Sahai-in a hmanpui a ni.
He Summit hi sorkar laipui leh hmarchhak state bakah Asia ram hrang hrang ten an hlut hle a. Sorkar laipui atangin Union Minister pathum lai an tel nghe nghe a ni. Asia ram hrang hrang Myanmar, Bangladesh, Bhutan, Cambodia leh Thailand atangin Ministers 3 bakah an Ambassadors, officials leh sumdawng lian ho engemawzat an tel bawk a. Hmarchhak state Assam, Meghalaya leh Tripura Chief Minister te bakah Mizoram atangin Industries Minister Pu S.Hiato, Trade & Commerce Minister Pu Lalrinliana Sailo leh Mizoram sorkar mi pawimawh an tel.
Ni 2 chhung Summit-ah hian an thu ngaihtuah pawimawh ber chu India hmarchhak state-ah hian sumdawnna leh thilsiamna chi hrang hrang te, loneih leh a kaihhnawih atanga sumchang thlai tharchhuah dan kawng zau tak a inhawn chungchang a ni ber a. Asia leh khawvel ram hrang hrang bakah ramchhung sumdawng lian leh thilsiamna lama tui mite tan helai bialah hian remchanna namen lo awmte chu zirchian a, chak zawka kalpui dan sawiho a ni a. India sorkarin khawchhak lam ramte nena insumdawn tawnna leh thawhhona tur policy lian tak Look East Policy a kalpui mek pawh hmarchhak state atanga bul intan tur a nih dan tur te, helai bial tihhmasawn leh tihchangtlun bakah sumdawnna hmun lian tham buatsaih hmasakte chu thil tul a nih dan uar taka sawichhuah an ni.
DoNER Minister hlui leh Look East Policy duangchhuaktu Pu Mani Shankar Aiyer chuan hmarchhak state tihhmasawn leh changtlun a vei thin zia sawichhuakin India ram leh Asia chhimchhak ramte tana hmasawnna hnuk bul ber chu helai bialah hian a intan tur a ni, a ti.
NE Business Summit-a Mizoram aiawha zuk kal Industries Minister Pu S.Hiato pawhin thusawina hun changin Mizoramah sumdawnna kawng zau tak a inhawn dante, thilsiamna tenau hrang hrangah remchanna thui tak a awm thu te a tarlang a. Mizoram thing leh mau atangte in thiamhnang chi hrang hrang dehchhuah theih dan leh khawvel pawhin hmantlaka a ngaih mau atanga insakna hmanrua hrang hrang siam chhuah theih a nih thu te a sawi a. Tourism lamah pawh a ram leilung leh pianhmang hrim hrim pawhin khualzin a hip that dan te sawiin hengte hi nasa leh zuala chawisan tlak an ni, a ti. Industies Minister chuan Mizoram chu state ralmuang a nih avangin kawng tinrengah remchanna bik riau a awm a ni, a ti a. Mizorama sumdawnna bul rawn tan duhte chu Mizoram sorkar leh mipuiin an lawm reng a ni, a ti bawk.
Summit-ah hian Mizoram sorkar mi pawimawh kal ten Mizoram chhunga remchanna hrang hrang awmte chipchiar zawkin Summit palaite hnenah sawilanna hun an hmang a. Indutries Secretary Pu R.L. Rinawma chuan mau atanga thilsiam chhuah chungchang sawilangin Mizoram chu mau lama hausa tak a nih thu leh thilsiam chhuah kawngah pawh a daihzai theih dan tur a tarlang a. Trade & Commerce Secretary Pi Esther Lalruatkimi pawhin hmarchhak state tihhmasawn leh helai bial sumdawnna liantham bultan chungchangah hian Mizoram chu a inhawng em em a; July 2009 khan Mizoram Trade & Investment Conclave pawh buatsaih niin Assembly Session kal lai chawlhsan meuhvin Mizoram MLA te chuan he Conclave-ah hian hun an hmang a ni, a ti. Mizoram chhunga tourism-in hma eng zau tak a neih dan Pi B.Sairengpuii, Tourism Secretary chuan a tarlang a. Information technology lama Mizo thalaite sukthlek beiseiawm zia thu leh helam kawnga sumdawngtute tan kawng a inhawn zau zia Pu P.Lianhrima, IT Secretary-in Summit palaite a hrilhfiah bawk.
He Summit hlawhtlinna Mizoram-in a hmuh nghal chawpchilh chu Bangladesh atanga lo kal Nitol-Niloy Group Company leh MASCOS, Mizoram ten maimaw pangang atanga thil dehchhuah ah inremna thuthlung an ziak fel nghal a ni. Summit neih chhung hian Mizoram chuan Stall a buatsaih a. Mizoram kutthemthiam thil, ei leh in sawngbawl tuihnai tak tak, puan leh shawl chi hrang hrang pholan te chu mipuiin an hlutin tlawhtu an thahnem hle a ni.
Ni 2 chhung Summit-ah hian an thu ngaihtuah pawimawh ber chu India hmarchhak state-ah hian sumdawnna leh thilsiamna chi hrang hrang te, loneih leh a kaihhnawih atanga sumchang thlai tharchhuah dan kawng zau tak a inhawn chungchang a ni ber a. Asia leh khawvel ram hrang hrang bakah ramchhung sumdawng lian leh thilsiamna lama tui mite tan helai bialah hian remchanna namen lo awmte chu zirchian a, chak zawka kalpui dan sawiho a ni a. India sorkarin khawchhak lam ramte nena insumdawn tawnna leh thawhhona tur policy lian tak Look East Policy a kalpui mek pawh hmarchhak state atanga bul intan tur a nih dan tur te, helai bial tihhmasawn leh tihchangtlun bakah sumdawnna hmun lian tham buatsaih hmasakte chu thil tul a nih dan uar taka sawichhuah an ni.
DoNER Minister hlui leh Look East Policy duangchhuaktu Pu Mani Shankar Aiyer chuan hmarchhak state tihhmasawn leh changtlun a vei thin zia sawichhuakin India ram leh Asia chhimchhak ramte tana hmasawnna hnuk bul ber chu helai bialah hian a intan tur a ni, a ti.
NE Business Summit-a Mizoram aiawha zuk kal Industries Minister Pu S.Hiato pawhin thusawina hun changin Mizoramah sumdawnna kawng zau tak a inhawn dante, thilsiamna tenau hrang hrangah remchanna thui tak a awm thu te a tarlang a. Mizoram thing leh mau atangte in thiamhnang chi hrang hrang dehchhuah theih dan leh khawvel pawhin hmantlaka a ngaih mau atanga insakna hmanrua hrang hrang siam chhuah theih a nih thu te a sawi a. Tourism lamah pawh a ram leilung leh pianhmang hrim hrim pawhin khualzin a hip that dan te sawiin hengte hi nasa leh zuala chawisan tlak an ni, a ti. Industies Minister chuan Mizoram chu state ralmuang a nih avangin kawng tinrengah remchanna bik riau a awm a ni, a ti a. Mizorama sumdawnna bul rawn tan duhte chu Mizoram sorkar leh mipuiin an lawm reng a ni, a ti bawk.
Summit-ah hian Mizoram sorkar mi pawimawh kal ten Mizoram chhunga remchanna hrang hrang awmte chipchiar zawkin Summit palaite hnenah sawilanna hun an hmang a. Indutries Secretary Pu R.L. Rinawma chuan mau atanga thilsiam chhuah chungchang sawilangin Mizoram chu mau lama hausa tak a nih thu leh thilsiam chhuah kawngah pawh a daihzai theih dan tur a tarlang a. Trade & Commerce Secretary Pi Esther Lalruatkimi pawhin hmarchhak state tihhmasawn leh helai bial sumdawnna liantham bultan chungchangah hian Mizoram chu a inhawng em em a; July 2009 khan Mizoram Trade & Investment Conclave pawh buatsaih niin Assembly Session kal lai chawlhsan meuhvin Mizoram MLA te chuan he Conclave-ah hian hun an hmang a ni, a ti. Mizoram chhunga tourism-in hma eng zau tak a neih dan Pi B.Sairengpuii, Tourism Secretary chuan a tarlang a. Information technology lama Mizo thalaite sukthlek beiseiawm zia thu leh helam kawnga sumdawngtute tan kawng a inhawn zau zia Pu P.Lianhrima, IT Secretary-in Summit palaite a hrilhfiah bawk.
He Summit hlawhtlinna Mizoram-in a hmuh nghal chawpchilh chu Bangladesh atanga lo kal Nitol-Niloy Group Company leh MASCOS, Mizoram ten maimaw pangang atanga thil dehchhuah ah inremna thuthlung an ziak fel nghal a ni. Summit neih chhung hian Mizoram chuan Stall a buatsaih a. Mizoram kutthemthiam thil, ei leh in sawngbawl tuihnai tak tak, puan leh shawl chi hrang hrang pholan te chu mipuiin an hlutin tlawhtu an thahnem hle a ni.
Attachment
- Loading attachment...
