Aizawla I&PR Conference Hall ah vawiin khan Town Official Language Implementation Committee (TOLIC) biennial meeting neih a ni a. TOLIC meeting ah hian Aizawla central sawrkar department leh undertaking hrang hrang bakah bank leh university aiawhte an tel a. He meeting ah hian central sawrkar office hrang hranga Official Language, Hindi hman uar chungchangte sawiho a ni.
TOLIC member-te chuan kum khat vel zet Hindi Teaching Scheme hnuaia zirtirtu awm mumal loh avanga central sawrkar hnathawkte tana Hindi zirna course hrang hrang kalpui hleihtheih a ni lo chu pawi an tih thu an sawi a. Chak zawka kalpui a nih theih nan sawrkar laipui Department of Official Language, Ministry of Home Affairs nawr zui zel nise an ti a. Aizawla Central sawrkar office, tualchhung mi hnathawk an tamnaah pawh Hindi hi hman uar lehzual nise, Hindi chauh a tawng leh hnathawh Ni (Hindi Speaking Day)-te hman thin nise an ti a ni.
TOLIC Meeting hi an Chairman Pu C.Lalrosanga, Dy. Director General, All India Radio North Eastern Region-11, Doordarshan, Aizawl Director ni bawkin a kaihruai a. Aizawl leh a chhehvelah hian central sawrkar office leh bank hrang hrang 50 vel a awm a, Official Language Act dan anga a tam thei ang bera Hindi hmanga hnathawk tura tih an ni.
TOLIC Meeting hi an Chairman Pu C.Lalrosanga, Dy. Director General, All India Radio North Eastern Region-11, Doordarshan, Aizawl Director ni bawkin a kaihruai a. Aizawl leh a chhehvelah hian central sawrkar office leh bank hrang hrang 50 vel a awm a, Official Language Act dan anga a tam thei ang bera Hindi hmanga hnathawk tura tih an ni.
