Vawiin chawhma khan Pi M.Zohmingthangi, Lunglei Bawrhsap kaihhruaina hnuaiah Election chungchang sawihona pawimawh tak neiin a office chamber ah meeting neih a ni. Lok Sabha Inthlanpui leh South Tuipui Bial Bye-Election vote tla chhiarna chu Dt. 16.5.09 zind dar 8:00 atangin Election Commission thupek angin neih a ni dawn a ni. Hemi ni zing dar 8:00 atangin 29-South Tuipui bial Bye-Election leh MP thlanna vote tla te a rualin chhiar hmasak a ni ang a, chumi zawh ah Assembly bial indawt angin 30-Lunglei North AC, 31-Lunglei East AC, 32-Lunglei West AC, 33-Lunglei South AC, 34-Thorang AC leh West Tuipui chhiar a ni dawn a ni.

Meeting chuan Magistrate i/c Counting Centre duty chungchang te counting hall luh leh chhuah dan te, Counting Hall chhung awm dan turte, EVM strong room atanga mawhphur tute, EVM Bye-Election leh Lok Sabha Election counting table a pe tutu te, Distribution and Collection of Form 17C chungchangte, counting of Postal Ballot Papers te, Data Management and Documentation, Fax, Hot Line leh Media Co-Ordination chungchang te sawiho a ni. Lunglei District a vote chhiarna atana in puahchahna chu tluang taka peih fel a ni a, a tha thei ang bera vote chhiarna nei thei turin mawhphurtute zawng zawng thawhhona leh tanrualna Lunglei Bawrhsap chuan a ngen a ni.