Vawiin khan IMPCC Meeting chu H&FW Conference Hall-ah neih a ni a; an hruaitu Pu C. Lalrosanga hovin an kal tha hle.
Public Information Campaign Haulong, Tawipui, leh Zobawka neihte mipuiin an hlut avanga hlawhtling an intih thu report a ni.Agriculture Department-in loneitute hamthatnas tura Tractor, Power Tiller an semte chu mipuiten an chhawr tangkai ngei a beiseiawm thu leh ei leh bara intodelh ngeina tura loneituten an chhawr ngei an beisei thu an sawi. AH&Vety Department-in sa dawr (Meat Shop) changkang deuh Aizawl khawpui hmun 11-a siam an tum chu sorkar hmasawnna tha tak a nih thu an sawi.
Rulngan chungchangah Mizote kan harh deuh deuh tul an tih thu sawiin, ramsa mang mai thei tura ngaih zinga mi a nih avangin ramsate that mai mai lo tura fimkhur a tul thu te, rulngan thah avanga leichawi te, lung in tan thlenga hrem theih a nih hi Mizo mipuiten hriat tul an ti hle. Mautam hlim a nih avangin mipuiten sum hmuh nan rawtuai/mautuai khawrh hi sorkarin khap se, tiluite chu na taka hrem nise, kum rei lote chhungin maul eh rua kan ngah leh ang tih an sawi lang bawk.
Polythene hman uarna State kan ni a; lehkha ip te, bag te hman uar tha an tih thu leh polithene thlakna tur KVI lamin ngaihtuah chak se an duh thu an sawi bawk.
Dr C. Lalthanmawia, Joint Director of H&FW-in IMPCC thupuia Malaria do an hman avanga lawmthu sawiin, nikuma malaria vanga thi 119 an awm lain kumin hian mi 7 chauh an la record thu a sawi a, lawmawm a tih thu a sawi. Nikuma thi 119 te pawh an exam zuinaah mitthi te kha an nat atanga ni 4 hnuah chauh Hospitala admit an nih avanga chhan hman loh an niin a sawi bawk. Kumin hian thosilen 80000 sem tum a nih thu a sawi bawk.
July thla thupui atan Zuk leh hmuam do an thlang. Mizo kristiante zuk leh hmuama kan insum thei lo hi kan hrisel lohna bulpui ber pakhat a nih avangin sakhaw rawngbawltute pawhin hma la chak deuh se an ti hle.
Rulngan chungchangah Mizote kan harh deuh deuh tul an tih thu sawiin, ramsa mang mai thei tura ngaih zinga mi a nih avangin ramsate that mai mai lo tura fimkhur a tul thu te, rulngan thah avanga leichawi te, lung in tan thlenga hrem theih a nih hi Mizo mipuiten hriat tul an ti hle. Mautam hlim a nih avangin mipuiten sum hmuh nan rawtuai/mautuai khawrh hi sorkarin khap se, tiluite chu na taka hrem nise, kum rei lote chhungin maul eh rua kan ngah leh ang tih an sawi lang bawk.
Polythene hman uarna State kan ni a; lehkha ip te, bag te hman uar tha an tih thu leh polithene thlakna tur KVI lamin ngaihtuah chak se an duh thu an sawi bawk.
Dr C. Lalthanmawia, Joint Director of H&FW-in IMPCC thupuia Malaria do an hman avanga lawmthu sawiin, nikuma malaria vanga thi 119 an awm lain kumin hian mi 7 chauh an la record thu a sawi a, lawmawm a tih thu a sawi. Nikuma thi 119 te pawh an exam zuinaah mitthi te kha an nat atanga ni 4 hnuah chauh Hospitala admit an nih avanga chhan hman loh an niin a sawi bawk. Kumin hian thosilen 80000 sem tum a nih thu a sawi bawk.
July thla thupui atan Zuk leh hmuam do an thlang. Mizo kristiante zuk leh hmuama kan insum thei lo hi kan hrisel lohna bulpui ber pakhat a nih avangin sakhaw rawngbawltute pawhin hma la chak deuh se an ti hle.
